Quora sio montat en Casternòu, ai vist que i èran de panèls nòus. Au mitan dau Conh i es una flecha devers “Lous Trucs” (los Trucs, Lous Trucs en vivaroalpenc grafia mistralencha). Pi qualques autres panèls de fusta. Arribat a l’ostal, sio anat veire dessota lo nogier la partença dau vielh Clovús. Una vesina si remembrèt dau nom, mas parlet de la “vieille Clovus” perqué en frances lo mot “viel” si dit que davant una vocala senon es ‘‘vieux’’. Sio segur que mon paire disia “le vieux Clovus” perqué ma maire pensava que lo bilinguisme era pas bòn per aprendre lo francés!! Sus lo panèl sotran es escrich ‘‘Pont de Panies’’, que Canestrier disia que ven de Clòt de Paniers qu’era un prat aigós ont i era una vesiera, ‘‘Sauze’’ forma francizaia de l’occitan ancian, en occitan aüra Lo Sauve, pi après i es “Villeneuve d’Entraunes” en occitan Vilanòva d’Entraunas.
(De seguir)
![abonar los amics de Jornalet]()
(De seguir)
