Lo navigador Internet de la fondacion Mozilla passèt a la version 89 a la debuta del mes de junh, l’ocasion de vos presentar las foncionalitats novèlas o paucas conegudas d’aquesta aisina liura.
De còp volèm donar un còp d’uèlh a una vidèo tot en tenent d’escriure o navigar per una pagina web. Amb la foncion de Vidèo incrustada podètz superpausar una vidèo o un dirècte e adaptar sa talha coma volgatz. Mai fòrt encara, amb Firefox podètz incrustar mantuna vidèo. Per aquò far, cal subrevolar la vidèo pel costat drech e clicar lo boton en fòrma de quadre que redusís.
Los onglets son ara mai grands perque embarcan de foncions multimèdias. Podiam ja copar lo son d’un onglet, afichan ara las informacions del contengut en cors de lectura per trapar mai rapidament lo son d’amudir.
Autres cambiaments, un estil mai minimalista e un ecran d’acuèlh novèl per causir un estil amb de tèmas predeterminats.
Teni a mercejar los que contribuisson a la traduccion occitana, encara que siasque un pauquet.
Espèri que de grops d’autres dialèctes realizaràn la traduccion del navigador dins lor varianta.
Unas de mas extensions preferidas: Diccionari del Congrès (aquí pel gascon), uBlock Origin per blocar la reclama, ClearURL per suprimir los elements de seguiment de las URL, Facebook Container per isolar Facebook de la rèsta de vòstra navigacion Internet.
Per telecargar Firefox, clicatz aquí: https://www.mozilla.org/fr/firefox/all/#product-desktop-release
![abonar los amics de Jornalet]()
De còp volèm donar un còp d’uèlh a una vidèo tot en tenent d’escriure o navigar per una pagina web. Amb la foncion de Vidèo incrustada podètz superpausar una vidèo o un dirècte e adaptar sa talha coma volgatz. Mai fòrt encara, amb Firefox podètz incrustar mantuna vidèo. Per aquò far, cal subrevolar la vidèo pel costat drech e clicar lo boton en fòrma de quadre que redusís.
Los onglets son ara mai grands perque embarcan de foncions multimèdias. Podiam ja copar lo son d’un onglet, afichan ara las informacions del contengut en cors de lectura per trapar mai rapidament lo son d’amudir.
Autres cambiaments, un estil mai minimalista e un ecran d’acuèlh novèl per causir un estil amb de tèmas predeterminats.
Teni a mercejar los que contribuisson a la traduccion occitana, encara que siasque un pauquet.
Espèri que de grops d’autres dialèctes realizaràn la traduccion del navigador dins lor varianta.
Unas de mas extensions preferidas: Diccionari del Congrès (aquí pel gascon), uBlock Origin per blocar la reclama, ClearURL per suprimir los elements de seguiment de las URL, Facebook Container per isolar Facebook de la rèsta de vòstra navigacion Internet.
Per telecargar Firefox, clicatz aquí: https://www.mozilla.org/fr/firefox/all/#product-desktop-release
