Los temps càmbian. Aprèp lo Senat, las nòvas dau front legislatiu per nòstras lengas son tornarmai a la victòria.
La Lèi Molac de “proteccion patrimoniala das lengas regionalas” foguèt votada d’un biais definitiu a l’Assemblada lo 8 d’abriu.
Es una data que farà istòria, la primièra lei d’aquesta mena de la Vena Républica, emai dempuèi 1951!
Calià un breton caput (pleonasma) per capitar una tant longa lucha, e un collectiu originau, “Per Que Viscan Nòstras Lengas”, que recampa los parlamentaris Molac e Alfonsi amb l’ensems das lengas.
Se sentissiá que lo cambiament de vejaire de la societat sus nòstras lengas començava de nasejar au Parlament. Èra vesidor au Senat en decembre passat e fuguèt espectaclós a l’Assemblada aqueste dijòus 8 d’abriu de 2021.
Aprèp 5 oras de debats e de vòtes, lo darnièr per la Lei donèt aquò: votants 342, exprimits 323, per la Lei 267, contra 76.
Nautres, acostumats a de discutidas a la chut-chut, de nuòch, amb 20 pelucres, sèm servits dau cambiament.
Es una rosta pel ministre emai dins son camp: 100 LREM per la lei, 12 abstencions e 57 en contra. Au totau 112 En Marcha sus 169 qu’an pas seguit lo govèrn!
Es un fach politic bèl que dèuriá faire soscar en naut! La primièira PPL adoptada contra lo governament d’aqueste mandatura.
E pel primièr còp una mobilizacion occitana vesidoira, e lo sosten de totas las Regions. Sem tornamai dins lo calendièr de la politica, èra pas ganhat!
La Lei Molac es una proposicion parlamentaria de lèi, e per aquò obligatoriament corteta amor que tot se dèu faire dins lo temps pichon d’una finestra parlamentaria de pauc d’oras.
Atau podiá pas aver mai d’a rticles qu’aquò auriá tròp estirada la discutida e menat a l’annulacion de tot. Se vejèt plan en decembre au Senat que lo vote finau se faguèt a 5 minutas de la fin dau temps acordat. Detz minutas de mai e tot seriá estat annulat.
Aquò dich espepissarem la lèi la setmana que ven.
![abonar los amics de Jornalet]()
La Lèi Molac de “proteccion patrimoniala das lengas regionalas” foguèt votada d’un biais definitiu a l’Assemblada lo 8 d’abriu.
Es una data que farà istòria, la primièra lei d’aquesta mena de la Vena Républica, emai dempuèi 1951!
Calià un breton caput (pleonasma) per capitar una tant longa lucha, e un collectiu originau, “Per Que Viscan Nòstras Lengas”, que recampa los parlamentaris Molac e Alfonsi amb l’ensems das lengas.
Se sentissiá que lo cambiament de vejaire de la societat sus nòstras lengas començava de nasejar au Parlament. Èra vesidor au Senat en decembre passat e fuguèt espectaclós a l’Assemblada aqueste dijòus 8 d’abriu de 2021.
Aprèp 5 oras de debats e de vòtes, lo darnièr per la Lei donèt aquò: votants 342, exprimits 323, per la Lei 267, contra 76.
Nautres, acostumats a de discutidas a la chut-chut, de nuòch, amb 20 pelucres, sèm servits dau cambiament.
Es una rosta pel ministre emai dins son camp: 100 LREM per la lei, 12 abstencions e 57 en contra. Au totau 112 En Marcha sus 169 qu’an pas seguit lo govèrn!
Es un fach politic bèl que dèuriá faire soscar en naut! La primièira PPL adoptada contra lo governament d’aqueste mandatura.
E pel primièr còp una mobilizacion occitana vesidoira, e lo sosten de totas las Regions. Sem tornamai dins lo calendièr de la politica, èra pas ganhat!
La Lei Molac es una proposicion parlamentaria de lèi, e per aquò obligatoriament corteta amor que tot se dèu faire dins lo temps pichon d’una finestra parlamentaria de pauc d’oras.
Atau podiá pas aver mai d’a rticles qu’aquò auriá tròp estirada la discutida e menat a l’annulacion de tot. Se vejèt plan en decembre au Senat que lo vote finau se faguèt a 5 minutas de la fin dau temps acordat. Detz minutas de mai e tot seriá estat annulat.
Aquò dich espepissarem la lèi la setmana que ven.
