Lo covid, los medecins e los scientifics qu’aprenen a’u conéisher pòc a pòc. En especiau, en aquestes darrèrs mes, que’s son avisats que pacients qui i a, qui an avut lo covid e an guarit, e presentan sequèlas a bèths còps au cap de mes. Lo 17 de heurèr passat, ua proposicion de lei qu’estó depausada a l’Assemblada Nacionau entà la reconeishença de çò qui apèran d’ara enlà lo covid long.
Segon los prumèrs estudis miats tà tèrmi tant en França com a l’estrangèr, lo coronavirus qu’auré consequéncias duradissas tau 15 % deus malauts (daubuns que van dinc au 30 %). De qué s’ageish? La màger partida deu temps, de dificultats respiratòrias, d’ua fatiga persistenta, a bèths còps de dolors muscularas, de tremolèrs sobtes e frequents, de taquicardia o d’acofèns. Tad aqueths pacients, caminar qu’ei deviengut ua esprava e ne pòden pas mei tribalhar; e que i son tanben las consequéncias psicologicas d’aqueths simptòmas. Que s’ageish de monde qui n’avèn pas nada patologia d’aqueras abans d’atrapar lo covid e dont los tèsts qui’us hèn n’amuishan pas mei nat traç de SARS-CoV-2 au còrps.
Aqueth fenomèn de persisténcia deus simptòmas n’ei pas navèth: qu’estó observat per çò qui ei deu SRAS e de la chikungunya. E que i a enqüèra consequéncias estonantas e deplorablas deu covid: la premsa italiana que relatava non i a guaire qu’ua anciana, per’mor deu covid, avè hèit ua cangrèna.
L’encausa d’aqueras sequèlas deu covid ne son pas tostemps de bon compréner taus scientifics. Ua causa de clara totun: en cas qui i a, las consequéncias deu covid que pòden afectar lo sistèma nerviós. Lo 37 % deus malauts qu’an perdut l’odorat e lo gost. D’autes qu’an maus de cap inexplicables. Mei dangerós, que s’i ved cas, tant d’accidents vasculars cerebraus o de crisis d’epilepsia, com d’insomnia o de simptòmas coneguts dens los trobles psiquiatrics (ànsia, depression, deliri, allucinacions) – aquestes, en malauts qui pateishen trobles de la personalitat, mes lo deliri e las allucinacions ne hèn pas partida deus simptòmas d’aqueths trobles… Segon un medecin de l’universitat de Londres, que s’i pòt prevéder qu’aqueras consequéncias psicologicas e neurologicas e poderén durar annadas.
Aqueth covid long que’s horneish a las consequéncias psicologicas, d’ua part de la pandemia era medisha (ànsia, depression), d’auta part de las restriccions impausadas peus diferents govèrns entà lutar contra (l’isolament que pòt miar tà la depression e dincau suicidi, la crisi economica que pòt miar tanben tà la depression, l’impossibilitat de’s projectar dens l’aviéner que favoreish l’ànsia).
Un espèr: lo vaccin?
Non i a guaire, que s’i relatava lo cas d’ua hemna guarida deus simptòmas deu covid long après estar estada vaccinada. Trenta sheis òras après aver recebut la segonda dòsi, los simptòmas que despareishèn. Mei d’un cas d’amelhorança deus simptòmas après la vaccinacion qu’ei tanben estat reportat. Los scientifics ne comprenen pas enqüèra quin lo vaccin e pòt aver un efèit sus simptòmas dejà presents dens l’organisme e daubuns que parlan d’efèit placebo, mes que i a lhèu aquiu ua lugor d’espèr entaus malauts deu covid long.
D’aqueth temps, la galaxia conspiracionista que continua de sostiéner que lo covid ei “ua simpla gripa”, o “un simple rume”, o mei qu’aquò que n’existeish pas, aumentant atau lo nombre de personas qui riscan d’atrapar la malautia per’mor de non pas aver volut seguir los conselhs de prudéncia; e, eishenges de pudor qui son, que gausan comparar lo lor psèudo-combat a la luta contra lo nazisme (cf. illustracion)!
![abonar los amics de Jornalet]()
Segon los prumèrs estudis miats tà tèrmi tant en França com a l’estrangèr, lo coronavirus qu’auré consequéncias duradissas tau 15 % deus malauts (daubuns que van dinc au 30 %). De qué s’ageish? La màger partida deu temps, de dificultats respiratòrias, d’ua fatiga persistenta, a bèths còps de dolors muscularas, de tremolèrs sobtes e frequents, de taquicardia o d’acofèns. Tad aqueths pacients, caminar qu’ei deviengut ua esprava e ne pòden pas mei tribalhar; e que i son tanben las consequéncias psicologicas d’aqueths simptòmas. Que s’ageish de monde qui n’avèn pas nada patologia d’aqueras abans d’atrapar lo covid e dont los tèsts qui’us hèn n’amuishan pas mei nat traç de SARS-CoV-2 au còrps.
Aqueth fenomèn de persisténcia deus simptòmas n’ei pas navèth: qu’estó observat per çò qui ei deu SRAS e de la chikungunya. E que i a enqüèra consequéncias estonantas e deplorablas deu covid: la premsa italiana que relatava non i a guaire qu’ua anciana, per’mor deu covid, avè hèit ua cangrèna.
L’encausa d’aqueras sequèlas deu covid ne son pas tostemps de bon compréner taus scientifics. Ua causa de clara totun: en cas qui i a, las consequéncias deu covid que pòden afectar lo sistèma nerviós. Lo 37 % deus malauts qu’an perdut l’odorat e lo gost. D’autes qu’an maus de cap inexplicables. Mei dangerós, que s’i ved cas, tant d’accidents vasculars cerebraus o de crisis d’epilepsia, com d’insomnia o de simptòmas coneguts dens los trobles psiquiatrics (ànsia, depression, deliri, allucinacions) – aquestes, en malauts qui pateishen trobles de la personalitat, mes lo deliri e las allucinacions ne hèn pas partida deus simptòmas d’aqueths trobles… Segon un medecin de l’universitat de Londres, que s’i pòt prevéder qu’aqueras consequéncias psicologicas e neurologicas e poderén durar annadas.
Aqueth covid long que’s horneish a las consequéncias psicologicas, d’ua part de la pandemia era medisha (ànsia, depression), d’auta part de las restriccions impausadas peus diferents govèrns entà lutar contra (l’isolament que pòt miar tà la depression e dincau suicidi, la crisi economica que pòt miar tanben tà la depression, l’impossibilitat de’s projectar dens l’aviéner que favoreish l’ànsia).
Un espèr: lo vaccin?
Non i a guaire, que s’i relatava lo cas d’ua hemna guarida deus simptòmas deu covid long après estar estada vaccinada. Trenta sheis òras après aver recebut la segonda dòsi, los simptòmas que despareishèn. Mei d’un cas d’amelhorança deus simptòmas après la vaccinacion qu’ei tanben estat reportat. Los scientifics ne comprenen pas enqüèra quin lo vaccin e pòt aver un efèit sus simptòmas dejà presents dens l’organisme e daubuns que parlan d’efèit placebo, mes que i a lhèu aquiu ua lugor d’espèr entaus malauts deu covid long.
D’aqueth temps, la galaxia conspiracionista que continua de sostiéner que lo covid ei “ua simpla gripa”, o “un simple rume”, o mei qu’aquò que n’existeish pas, aumentant atau lo nombre de personas qui riscan d’atrapar la malautia per’mor de non pas aver volut seguir los conselhs de prudéncia; e, eishenges de pudor qui son, que gausan comparar lo lor psèudo-combat a la luta contra lo nazisme (cf. illustracion)!
