Vaquí un trocet del quasernet de guèrra tengut, per temps de pandemia,
per mon vesin Marcèl [1]
per mon vesin Marcèl [1]
— Març de 2020: las campanas, los clases an pas sonat, mas sèm en guèrra. Ont es l’enemic? En Bretanha, en Occitània, en Aquitània,...? O sabon pas! Sabon just qu’ataca sul front de l’èst del caire de Colmart mas anam dire que pertòca França tota. Del còp, confinon tot lo país. Partissèm a la guèrra nuses. De tot biais, de masquetas n’avèm pas e n’avèm pas de besonh.
— Març-abril: Sul front de l’Est aquò caufa mai que mai! L’enemic s’espandís, ataca de mai en mai fòrt. A Colmart e dins son rodòl, los espitals sabon pas pus ont virar lors malauts. Sul front de l’Oèst i a gaireben pas d’atacas mas femnas, òmes, pichons demòran embarrats. A mai sens virus van demorar dedins. Es una question de solidaritat! Lo confinament pòt qu’èsser nacional. Las masquetas son ara necitas de portar mas n’avèm gaire! Caduna e cadun petaça çò que pòt!
— Mai: l’enemic crenh la calor, sortís belcòp mens. Del còp, França tota punta lo nas fòra dels ostals. Las masquetas son aquí. Mas los tèsts arriban dapasset.
— Estiu 2020: la calor ten totjorn l’enemic a l’endedins. Se passeja pasmens totjorn un briconet. Los soldats an mai o mens quitat lo front. S’asèrban. Vacancejan. Los tèsts s’endralhan.
— Setembre: la davalada arriba, la calor baissa, l’enemic s’aprèsta a guèrra tornar prene. Se parla de vaccin, de fissada.
— Fin d’octòbre: la guèrra es tornamai dobèrta. La freg se sarra. L’ivèrn va èsser caud pels virussats. Dins França tota, embarran femnas, òmes dins los ostals tirat los pichons qu’aniràn a l’escòla. Aquò comença de testar! Testa aicí, testa ailà.
— Mièg de decembre: l’enemic e totjorn aquí mas cal quitar lo front e aliberar los òmes e las femnas que devon aprestar Nadal e Cap de l’An. La Covid se sentís un pauc soleta. Va cercar d’ajuda al prèp dels Angleses. Los vaccins seràn lèu aquí, benlèu arribaràn, podrián benlèu arribar, benlèu podriá arribar qu’arribèsson.
— Genièr: Los Angleses desbarcan mas la Covid se sentís encara amenaçada pel cobrifuòc. Demanda ajuda als Sudafricans. La vaccinada s’endralha pauc a pauc. Los vièlhs son fissats en primièr. Val mai qu’un vièlh vire l’arquet qu’un jove.
— Febrièr: França es cobrifuocada tota. Lo país es las de lassitge. L’enemic demanda l’ajuda dels Brasilièrs.
— Debuta de Mars de 2021: los Brasilièrs amb l’ajuda dels Sudafricans e dels Angleses assautan los Alps Maritims. Es lo desbarcament de Niça. Los caps de guèrra Parisencs son subtats. Del còp, se desplaçan, davalan. Es que deuràn far venir de municions de Bretanha? Es que van poder confinar França tota per aparar Niça? Vaquí qu’un front novèl se dobrís dau Dunkerque. La Covid es en trin de far petar lo jacobinisme, lo jacobinisme sanitari. A calgut una bona annada per i arribar!
— Març-abril: Sul front de l’Est aquò caufa mai que mai! L’enemic s’espandís, ataca de mai en mai fòrt. A Colmart e dins son rodòl, los espitals sabon pas pus ont virar lors malauts. Sul front de l’Oèst i a gaireben pas d’atacas mas femnas, òmes, pichons demòran embarrats. A mai sens virus van demorar dedins. Es una question de solidaritat! Lo confinament pòt qu’èsser nacional. Las masquetas son ara necitas de portar mas n’avèm gaire! Caduna e cadun petaça çò que pòt!
— Mai: l’enemic crenh la calor, sortís belcòp mens. Del còp, França tota punta lo nas fòra dels ostals. Las masquetas son aquí. Mas los tèsts arriban dapasset.
— Estiu 2020: la calor ten totjorn l’enemic a l’endedins. Se passeja pasmens totjorn un briconet. Los soldats an mai o mens quitat lo front. S’asèrban. Vacancejan. Los tèsts s’endralhan.
— Setembre: la davalada arriba, la calor baissa, l’enemic s’aprèsta a guèrra tornar prene. Se parla de vaccin, de fissada.
— Fin d’octòbre: la guèrra es tornamai dobèrta. La freg se sarra. L’ivèrn va èsser caud pels virussats. Dins França tota, embarran femnas, òmes dins los ostals tirat los pichons qu’aniràn a l’escòla. Aquò comença de testar! Testa aicí, testa ailà.
— Mièg de decembre: l’enemic e totjorn aquí mas cal quitar lo front e aliberar los òmes e las femnas que devon aprestar Nadal e Cap de l’An. La Covid se sentís un pauc soleta. Va cercar d’ajuda al prèp dels Angleses. Los vaccins seràn lèu aquí, benlèu arribaràn, podrián benlèu arribar, benlèu podriá arribar qu’arribèsson.
— Genièr: Los Angleses desbarcan mas la Covid se sentís encara amenaçada pel cobrifuòc. Demanda ajuda als Sudafricans. La vaccinada s’endralha pauc a pauc. Los vièlhs son fissats en primièr. Val mai qu’un vièlh vire l’arquet qu’un jove.
— Febrièr: França es cobrifuocada tota. Lo país es las de lassitge. L’enemic demanda l’ajuda dels Brasilièrs.
— Debuta de Mars de 2021: los Brasilièrs amb l’ajuda dels Sudafricans e dels Angleses assautan los Alps Maritims. Es lo desbarcament de Niça. Los caps de guèrra Parisencs son subtats. Del còp, se desplaçan, davalan. Es que deuràn far venir de municions de Bretanha? Es que van poder confinar França tota per aparar Niça? Vaquí qu’un front novèl se dobrís dau Dunkerque. La Covid es en trin de far petar lo jacobinisme, lo jacobinisme sanitari. A calgut una bona annada per i arribar!
