(Seguia)
Per aquò, Lilo a fach qualques traucs per respirar en un cartonassàs. Pi un trauc mai grand, discret, per veire un pauc e dos autres per los amics. An esperat d’èstre segurs que José sigue pron luenc pi an chamalat los cartons pròche de la cabina e denans de l’òra que José avia mestier de venir, si son esconduts, los tres amics dintre. An provat de faire chuto, èra pas aisat.
José es vengut, alestit amb son costume dau dimenge, las braias negras, la vesta, lo gilet, la chamisa blancha, eça..
A lissat sos berris qu’èran gominats. Pi deganchèt lo combinat, faguèt un numèro e diguèt “cu es lo mai bèu?” e coma avia fach lo numèro de la cabina, qu’èra aucupaa, lo combinat respondèt “TU, TU, TU...”
E cric e crac mon conte es achabat.
