Torama Auta, vilatge de vacanças de la familha l'estiu, per préner lo fresc.
Sovenirs d'aur d'un autre eatgi.
Nòstra Dòna de la Flor
Se ditz qu'au sègle 15en, dins la valaa dei Toramas, dins l'Aut Verdon, li èra agut un ivèrn sensa fin. Ja que d'annaas avans, la valaa aviá degut suportar lei chaples dei tropas de Raimond de Torena, e que lo país aviá mes de temps per se reviudar, ne'n chaliá pas de mai.
La prima se faiá esperar e ren creissiá. Aviá tornarmai nevat dins ben d'endreches. E dins lo rabin de Riu Frei de bèstias avián estaas trobaas gelaas. E impossible de far drevelhar lo solèu chaud, ni d'aver una ischandilhaa de calor tant coma de far venir la prima e l'aiga.
Dins tota la comuna de Torama Auta, èra la consternacien. Prejieras a la glèia, processiens en chapèlas. Ren li faiá.
D'aqueu temps, coma de costuma, un païsan de La Condamina assaiava de far pàisser sei fiás (feas) dins de devendüas. Aviá començat de mancar la pastura per governar e cerchava de far ishancar (netear) lei champs de cu o voliá. Li èran plus gaire de prats erboses en davau dins la valaa. Pensèt que porriá far manjar de branchas en davau dau rabin de La Joncha que se li tròba un pauc de firiglo (ferígola) que lei bèstias ne'n son lèchas.
Lo batèu de fiás chaminava e roijava tot ce qu'èra possible. Entre las ròchas, dins lei robinas.
Puèi, en chamin, una cauva brilhèt. Dins una riba, apareguèt una flor d'aur. Lei bèstias se fermèron subran. E una votz que parlèt a nòstre païsan, en lenga nòstra. "La valaa de Verdon tornarà verdear. E de verdura porrà arribar".
Aujèt ren dire ce qu'aviá vist. Se serián segurament cregut au vilatgi que s'èra entartugat un d'aquelei sèrs de frei. Lei gents, pasmens, se sentiá pas de lei veire. Soncament lo vesin de l'autra ferma s'inquietèt de plus lo veire venir per charrar.
E se decidèt d'anar lo veire. Aicí, dins una conversacien a prepaus de chabras e de fiás, lo vesin de Fònt Galharda sachèt lo far parlar que semblava trebolinat de tot. E mai, la votz aviá tornat un autre jort (jorn) au païsan au meme endrech e despuèi durmiá plus pai.
Aquesto vesin, anat a la fiera dau vilatge, se metèt de contar l'istòria per far l'interessant. E lèu una bandalaa se trobèt a veire lo nòstre païsan.
Aquelei que creián en una farça, en chamin, a partir dei rabins dau Toron e de la Rata, venguèron ben que la natura se drevelhava a mesura que se raprochavan de la ferma de nòstre òme. E au nivèu dei rabins de la Mastra e de Branchai, chaliá l'avoar: èra coma se la prima sièche estaa arribaa d'un còup.
Tota l'Auta valaa de Verdon renaissèt. Lo gris laissava plaça ai colors. Solelhava. L'erba creissiá a vista d'uèlh, l'aiga raiava fòrt, grelhava, lei fuelhas espelissián, un aire de vida arribava mai.
Despuèi aquèu temps, a la fin de la Prima, per grandmercear la natura d'aver fach tornar la vida e per l'encoratjar per far segre l'estiu, se va lo diluns de la Pandecòsta sus lo luec de la renaissença que tornèt arribar la Prima. Aquest endrech se tròba eira dins lo quartier de Torama Gara e una chapèla mai granda li es estaa bastiá dins leis annaas 1930.
Tanben, un simbòl de renaissença, en lenga, de la lenga occitana, despuèi nòstras montanhas de Gavotina.
![abonar los amics de Jornalet]()
Sovenirs d'aur d'un autre eatgi.
Nòstra Dòna de la Flor
Se ditz qu'au sègle 15en, dins la valaa dei Toramas, dins l'Aut Verdon, li èra agut un ivèrn sensa fin. Ja que d'annaas avans, la valaa aviá degut suportar lei chaples dei tropas de Raimond de Torena, e que lo país aviá mes de temps per se reviudar, ne'n chaliá pas de mai.
La prima se faiá esperar e ren creissiá. Aviá tornarmai nevat dins ben d'endreches. E dins lo rabin de Riu Frei de bèstias avián estaas trobaas gelaas. E impossible de far drevelhar lo solèu chaud, ni d'aver una ischandilhaa de calor tant coma de far venir la prima e l'aiga.
Dins tota la comuna de Torama Auta, èra la consternacien. Prejieras a la glèia, processiens en chapèlas. Ren li faiá.
D'aqueu temps, coma de costuma, un païsan de La Condamina assaiava de far pàisser sei fiás (feas) dins de devendüas. Aviá començat de mancar la pastura per governar e cerchava de far ishancar (netear) lei champs de cu o voliá. Li èran plus gaire de prats erboses en davau dins la valaa. Pensèt que porriá far manjar de branchas en davau dau rabin de La Joncha que se li tròba un pauc de firiglo (ferígola) que lei bèstias ne'n son lèchas.
Lo batèu de fiás chaminava e roijava tot ce qu'èra possible. Entre las ròchas, dins lei robinas.
Puèi, en chamin, una cauva brilhèt. Dins una riba, apareguèt una flor d'aur. Lei bèstias se fermèron subran. E una votz que parlèt a nòstre païsan, en lenga nòstra. "La valaa de Verdon tornarà verdear. E de verdura porrà arribar".
Aujèt ren dire ce qu'aviá vist. Se serián segurament cregut au vilatgi que s'èra entartugat un d'aquelei sèrs de frei. Lei gents, pasmens, se sentiá pas de lei veire. Soncament lo vesin de l'autra ferma s'inquietèt de plus lo veire venir per charrar.
E se decidèt d'anar lo veire. Aicí, dins una conversacien a prepaus de chabras e de fiás, lo vesin de Fònt Galharda sachèt lo far parlar que semblava trebolinat de tot. E mai, la votz aviá tornat un autre jort (jorn) au païsan au meme endrech e despuèi durmiá plus pai.
Aquesto vesin, anat a la fiera dau vilatge, se metèt de contar l'istòria per far l'interessant. E lèu una bandalaa se trobèt a veire lo nòstre païsan.
Aquelei que creián en una farça, en chamin, a partir dei rabins dau Toron e de la Rata, venguèron ben que la natura se drevelhava a mesura que se raprochavan de la ferma de nòstre òme. E au nivèu dei rabins de la Mastra e de Branchai, chaliá l'avoar: èra coma se la prima sièche estaa arribaa d'un còup.
Tota l'Auta valaa de Verdon renaissèt. Lo gris laissava plaça ai colors. Solelhava. L'erba creissiá a vista d'uèlh, l'aiga raiava fòrt, grelhava, lei fuelhas espelissián, un aire de vida arribava mai.
Despuèi aquèu temps, a la fin de la Prima, per grandmercear la natura d'aver fach tornar la vida e per l'encoratjar per far segre l'estiu, se va lo diluns de la Pandecòsta sus lo luec de la renaissença que tornèt arribar la Prima. Aquest endrech se tròba eira dins lo quartier de Torama Gara e una chapèla mai granda li es estaa bastiá dins leis annaas 1930.
Tanben, un simbòl de renaissença, en lenga, de la lenga occitana, despuèi nòstras montanhas de Gavotina.
