Aquò que contunha e sembla pas voler s’estancar. Las revelacions d’abuses sexuaus sus menors dens cèrts mitans caden coma las huelhas a l’autona. Hollywood, la glèisa catolica, la literatura e ara federacions esportivas, lo patinatge e l’equitacion.
Tot aquò hè virar lo cap e nos demandam com tot aquò estoc possible. Sembla un maishant film e totun s’agís plan de la realitat.
La purmère suspresa veng deu hèit que las victimas se declaran tan longtemps après los hèits. Los acuses de cap a Harvey Weinstein, deu nombre de 93 (!) son arribats totis a l’encòp. Com se ditz, “las lengas se desligan” e un testimoniatge balha a una auta victima la fòrça de parlar.
Las campanhas #metoo e #balancetonporc an ajudat a perméter a personas qu’an patit de violéncias sexualas de s’exprimir en dehòra de la vergonha e de la suspicion de las qualas de costuma son l’objècte. Es una bona causa, solide, quitament se podèm d’un aute costat crànher denóncias mensongèrs.
Mes çò de susprenent es sustot que la liberacion de la paraula dens lo mitan deu cinèma a pas ajudat que las victimas d’aqueste mitan. Las denonciacions dens lo mitan de la glèisa an pas ren de véser, e las gojatas forçadas dens lo mitan esportiu van pas començar de parlar sonque un còp qu’aqueste mitan es concernit, sia tres ans après l’escandale cinematografic. I auré doncas autes mitans concernits que son a l’espèra d’una liberacion de la paraula? Podèm pensar que òc.
Après, soi fòrça curiós de conéisher l’estat d’esperit deus forçaires. Aquò vos poderé susprénguer, mes soi pas segur qu’avèvan consciéncia a l’epòca que hasèvan quicòm de montruós. M’expliqui.
Dens las annadas setanta e dinc a las annadas ueitanta, (Après doncas la publicacion deu celèbre roman “Lolita” de V. Nabokov) l’idèia de libertat sexuala èra dominanta. Lo cantaire Antoine demandava “la pilula en venda dens los Monoprix”, Marguerite Duras obteng lo prèmi Goncourt 1984 dambe l’istòria d’una relacion entre un adulte e una gojata de 15 ans, e l’opinion publica s’ahueca pr’amor deu suicidi d’una ensenhaira acusada de destornament de menor que balharà un film (Grand prix du cinéma français e nominacion aus Golden Globes) e una bèra cançon de Charles Aznavour (Mourir d’aimer).
Lo film-culte de la generacion deus que son nascuts a la fin de las annadas 50, One Flew Over a Cukoo’s Nest, en francés Vol au-dessus d’un nid de coucou, bota en scèna un personatge vengut, au demiei de la joentut, lo simbòlo de libertat davant un sistème opressant, qu’es en hèit dens un espitau psiquiatric ende hugir los acuses de … forçada sus menora.
Serà au miei de las annadas 80 que l’interdiccion de relacions dambe menors es remesa en causa. Cridas a la revision du Còdi Penau son quitament signadas per intellectuaus deus grans (Aragon, Barthes, Sartre, entre autes) ende despenalizar las relacions dambe menor(a)s. E la premsa, au nom de la liberacion deus mors, sosteng los que declaran qu’“empachar la sexualitat juvenila es oppression sociala”.
Quand l’autor Gabriel Matzeff (50 ans) veng cercar a la sortida de l’escòla la joena Vanessa Springora (14 ans) ende la miar dens una ostelaria, a consciéncia que comet un delicte o se ditz meslèu qu’a sedusida una aimadora mès joena qu’eth gràcias a son charme d’òmi d’edat madura? Vist l’ambient generau on aquesta mena de relacion es valorizada e l’estat de sideracion de la victima que prenguerà una decennias avant de denonciar son forçaire (sustot que, dens son líber, ditz que’s sentissèva amorosa), ac cresi pas.
La conclusion de tot aquò es que lo nivèu de sentit uman evolua. Causas qu’èran toleradas e quitament valorizadas un temps son denonciadas coma un crimi una annadas mès tard. Los cobèrts mès pesucs sautan a maugrat de la pression sociala e la benvolença tèrraganha pauc a pauc, çò qu’es una causa fòrça positiva.
La caça (sustot au córrer), la pesca, la tuèra de bèstias, la corrida, tot aquò lentament es remés en causa per la societat que vòu mès de justícia ende les èsters mès febles e demanda mès de proteccion. Solide, i a encara un bon camin que demòra de hèr, mes semblaré que sèm endralhats dens la bona direccion.
![abonar los amics de Jornalet]()
Tot aquò hè virar lo cap e nos demandam com tot aquò estoc possible. Sembla un maishant film e totun s’agís plan de la realitat.
La purmère suspresa veng deu hèit que las victimas se declaran tan longtemps après los hèits. Los acuses de cap a Harvey Weinstein, deu nombre de 93 (!) son arribats totis a l’encòp. Com se ditz, “las lengas se desligan” e un testimoniatge balha a una auta victima la fòrça de parlar.
Las campanhas #metoo e #balancetonporc an ajudat a perméter a personas qu’an patit de violéncias sexualas de s’exprimir en dehòra de la vergonha e de la suspicion de las qualas de costuma son l’objècte. Es una bona causa, solide, quitament se podèm d’un aute costat crànher denóncias mensongèrs.
Mes çò de susprenent es sustot que la liberacion de la paraula dens lo mitan deu cinèma a pas ajudat que las victimas d’aqueste mitan. Las denonciacions dens lo mitan de la glèisa an pas ren de véser, e las gojatas forçadas dens lo mitan esportiu van pas començar de parlar sonque un còp qu’aqueste mitan es concernit, sia tres ans après l’escandale cinematografic. I auré doncas autes mitans concernits que son a l’espèra d’una liberacion de la paraula? Podèm pensar que òc.
Après, soi fòrça curiós de conéisher l’estat d’esperit deus forçaires. Aquò vos poderé susprénguer, mes soi pas segur qu’avèvan consciéncia a l’epòca que hasèvan quicòm de montruós. M’expliqui.
Dens las annadas setanta e dinc a las annadas ueitanta, (Après doncas la publicacion deu celèbre roman “Lolita” de V. Nabokov) l’idèia de libertat sexuala èra dominanta. Lo cantaire Antoine demandava “la pilula en venda dens los Monoprix”, Marguerite Duras obteng lo prèmi Goncourt 1984 dambe l’istòria d’una relacion entre un adulte e una gojata de 15 ans, e l’opinion publica s’ahueca pr’amor deu suicidi d’una ensenhaira acusada de destornament de menor que balharà un film (Grand prix du cinéma français e nominacion aus Golden Globes) e una bèra cançon de Charles Aznavour (Mourir d’aimer).
Lo film-culte de la generacion deus que son nascuts a la fin de las annadas 50, One Flew Over a Cukoo’s Nest, en francés Vol au-dessus d’un nid de coucou, bota en scèna un personatge vengut, au demiei de la joentut, lo simbòlo de libertat davant un sistème opressant, qu’es en hèit dens un espitau psiquiatric ende hugir los acuses de … forçada sus menora.
Serà au miei de las annadas 80 que l’interdiccion de relacions dambe menors es remesa en causa. Cridas a la revision du Còdi Penau son quitament signadas per intellectuaus deus grans (Aragon, Barthes, Sartre, entre autes) ende despenalizar las relacions dambe menor(a)s. E la premsa, au nom de la liberacion deus mors, sosteng los que declaran qu’“empachar la sexualitat juvenila es oppression sociala”.
Quand l’autor Gabriel Matzeff (50 ans) veng cercar a la sortida de l’escòla la joena Vanessa Springora (14 ans) ende la miar dens una ostelaria, a consciéncia que comet un delicte o se ditz meslèu qu’a sedusida una aimadora mès joena qu’eth gràcias a son charme d’òmi d’edat madura? Vist l’ambient generau on aquesta mena de relacion es valorizada e l’estat de sideracion de la victima que prenguerà una decennias avant de denonciar son forçaire (sustot que, dens son líber, ditz que’s sentissèva amorosa), ac cresi pas.
La conclusion de tot aquò es que lo nivèu de sentit uman evolua. Causas qu’èran toleradas e quitament valorizadas un temps son denonciadas coma un crimi una annadas mès tard. Los cobèrts mès pesucs sautan a maugrat de la pression sociala e la benvolença tèrraganha pauc a pauc, çò qu’es una causa fòrça positiva.
La caça (sustot au córrer), la pesca, la tuèra de bèstias, la corrida, tot aquò lentament es remés en causa per la societat que vòu mès de justícia ende les èsters mès febles e demanda mès de proteccion. Solide, i a encara un bon camin que demòra de hèr, mes semblaré que sèm endralhats dens la bona direccion.
