Que ne serà deman per l’occitan amb l’intelligéncia articiala (I.A.) que se desenvolòpa al brutle? Soscar sus aquel sicut es ensajar d’entreveire l’avenidor de la lenga nòstra amb, de segur, totas las resèrvas necistas. La vida d’una lenga es jamai escrita per avança. S’avèm assistit a fòrças enterradas de parlars avèm vist quauquas polidas renaissenças.
Amb l’I.A. es qu’aurem encara de besonh de reviraires d’òbras en occitan estent que las maquinas o faràn benlèu melhor qu’un reviraire lo mai aluserpit que siá. Reviradas de romans, films, bendas dessenhadas, pubs,... E aquò dins totas las varietats de la lenga nòstra. La revirada vos arriba en un clic sus la tèla de la tauleta , de l’ordenador o de l’esmart. Benlèu una avançada de las grandas? Amai se ne coneissi qu’afortiràn totjorn que l’uman subrepassarà totjorn la maquinas. Es qu’es ben segur?
Amb l’I.A.deman podrem benlèu escambiar amb de robòts parlaires. Es que la lenga occitana podrà pas ésser una lenga emplegada per de robòts per escambiar amb los malautes dins los espitals, los vièlhs dins las Ephad, los joves a l’Universitat, amb los patrons dins las usinas? Es que la femna o l’òme causirà la lenga del robòt o li serà impausada? E sens los robòts per comunicar es que podrem encara, per causida e per volontat, charrar amb lo vesin o la vesina en lenga nòstra per trabalhar o per passar temps?
Amb l’I.A. e la reconeissença vocala pas pus besonh de picar suls de clavièrs. La maquina escriurà per vos e benlèu pensarà a vòstra plaça se sentís que mancatz de logica dins vòstre prepaus. Podrà benlèu anar cercar çò que pensatz dins vostre cervèl e o vos escriure e o vos dire. Es que sauprà pegar a la segonda prèp a la lenga portaira de vòstres sentits? E passar aital de l’occitan al francés, a l’inglés, a...
L’I.A. e las lengas vaquí qu’aquel coble aligat va, dins las annadas venentas, nos dobrir un clapàs de camins novèls. Tant que l’I.A. serà una ajuda per l’èsser uman, òsca! Lo jorn ont pensarà a sa plaça, mèfi!
A desenvolopar l’intelligéncia artificiala a bodre dins totes los domènis caldriá pas qu’acabèssem Ases! I.A! I.A!
![abonar los amics de Jornalet]()
Amb l’I.A. es qu’aurem encara de besonh de reviraires d’òbras en occitan estent que las maquinas o faràn benlèu melhor qu’un reviraire lo mai aluserpit que siá. Reviradas de romans, films, bendas dessenhadas, pubs,... E aquò dins totas las varietats de la lenga nòstra. La revirada vos arriba en un clic sus la tèla de la tauleta , de l’ordenador o de l’esmart. Benlèu una avançada de las grandas? Amai se ne coneissi qu’afortiràn totjorn que l’uman subrepassarà totjorn la maquinas. Es qu’es ben segur?
Amb l’I.A.deman podrem benlèu escambiar amb de robòts parlaires. Es que la lenga occitana podrà pas ésser una lenga emplegada per de robòts per escambiar amb los malautes dins los espitals, los vièlhs dins las Ephad, los joves a l’Universitat, amb los patrons dins las usinas? Es que la femna o l’òme causirà la lenga del robòt o li serà impausada? E sens los robòts per comunicar es que podrem encara, per causida e per volontat, charrar amb lo vesin o la vesina en lenga nòstra per trabalhar o per passar temps?
Amb l’I.A. e la reconeissença vocala pas pus besonh de picar suls de clavièrs. La maquina escriurà per vos e benlèu pensarà a vòstra plaça se sentís que mancatz de logica dins vòstre prepaus. Podrà benlèu anar cercar çò que pensatz dins vostre cervèl e o vos escriure e o vos dire. Es que sauprà pegar a la segonda prèp a la lenga portaira de vòstres sentits? E passar aital de l’occitan al francés, a l’inglés, a...
L’I.A. e las lengas vaquí qu’aquel coble aligat va, dins las annadas venentas, nos dobrir un clapàs de camins novèls. Tant que l’I.A. serà una ajuda per l’èsser uman, òsca! Lo jorn ont pensarà a sa plaça, mèfi!
A desenvolopar l’intelligéncia artificiala a bodre dins totes los domènis caldriá pas qu’acabèssem Ases! I.A! I.A!
