Pantaises de montanhas gaire alunhaias. Just ailí. Desfilat de crestas en lutz. Impressions de securitat.
Avio obliat coma lo tracolament dal solelh èra bèl dins la valaia de Var.
Lamar Mediterranèa de l’autre latz. Las còlas de riba de mar ailí. Aquel arbre solet d’amont. Que depassa de la crèsta. Sénher senhor arbre. Mi sio sempre promés de l’anar saluar un jorn. La promessa ten totjorn.
Pargue d’enfància sota de cèdres qu’existon plus aüra.
Tornar crosar de caras familieras. Una maigrand. Una anciana cambarada d’escòla, velaia fins al front. Nacional, dins aquel quartier de classa meana.
Darrier la muralha, un monde que se ve ren. E totun... Contraste ambal pargue vesin. Silenci. Espaci. Vitas passaias. Quietud. Lo calme es doç. Bulas de vitas, qu’espetaràn dins lo pargue.
Croses, creissents, iing asiatic o simbòl animista. Sordats, sergents, infirmieras... Alinhats. Entre los aucipreses.
Es un quartier de l’après-miegjorn, lo temps de l’après-miegjorn i es rei. Ven en plena poténcia après. Òc.
![abonar los amics de Jornalet]()
Avio obliat coma lo tracolament dal solelh èra bèl dins la valaia de Var.
Lamar Mediterranèa de l’autre latz. Las còlas de riba de mar ailí. Aquel arbre solet d’amont. Que depassa de la crèsta. Sénher senhor arbre. Mi sio sempre promés de l’anar saluar un jorn. La promessa ten totjorn.
Pargue d’enfància sota de cèdres qu’existon plus aüra.
Tornar crosar de caras familieras. Una maigrand. Una anciana cambarada d’escòla, velaia fins al front. Nacional, dins aquel quartier de classa meana.
Darrier la muralha, un monde que se ve ren. E totun... Contraste ambal pargue vesin. Silenci. Espaci. Vitas passaias. Quietud. Lo calme es doç. Bulas de vitas, qu’espetaràn dins lo pargue.
Croses, creissents, iing asiatic o simbòl animista. Sordats, sergents, infirmieras... Alinhats. Entre los aucipreses.
Es un quartier de l’après-miegjorn, lo temps de l’après-miegjorn i es rei. Ven en plena poténcia après. Òc.
