L’ahar sembla plan aviat, am recebut contribucions, remèrcas tecnicas, questions e perpausicions. Vau essajar d’estar concís dens mas responsas.
Purmèr, èi lèu comprés qu’èram davant un dangèr: quan dus contributors mandan duas seguidas diferentas que’s plaçarén au medish endret. Aquò a mancat d’arribar, mes per astre la contribucion de Bruno Sapene es una mena de bocla e la seguenta, de Laurenç Revèst, se podoc ajustar sense problèmas. Ne profiti per mercejar aquestes dus contributors, solide.
Doncas caleré resòlver aqueste problèma. La question estoc pausada a l’encòp per Pierre Lachaud e Cirdec Yagreb. La solucion mès simpla, es de s’inscríver per que tot sia coordonat. Sufís pas que de’m contactar capvath lo ligam deu Jornalet e atau auratz un numèro d’òrdi que’vs permeterà d’ajustar vòstra contribucion coma cau.
Benlèu vos serà atribuït un periòde de temps (2 o 3 setmanas) per que lo temps de soscadissa sia pas tròp long e qu’aquò bloquege pas lo procèssus.
Cirdec pausèc tanben la question de l’ortografia emplegada. Solide que vam pas pausar de limits sus la varianta de l’occitan emplegada que cadun escriverà coma volerà. Benlèu se passam a una finalizacion drin definitiva, poderam demandar a un especialista de balhar son sicut sus l’omogeneïtat de cada tròç, en tot saber que’n mestior de lenga occitana, cada locutor es un especialista …
Guilhèm Thomas hascoc una remèrca de las bonas: se demandèc se un format coma “tumblr” o “Word Press” seré pas mès apropriat per poder legir mílhor. Non, non, Guilhèm, ès pas un “emmerdaire” e ton idèa es bona. Vertat que legir las colomnas de Face Book que son meslèu redusidas en largor es pas lo mès practic. De mès, totis an pas un compte FB e an pas enveja de n’aver. Es per aquò que lo ciberroman se poderà tot naturalament legir suu Jornalet a la pagina: http://www.jornalet.com/pagina/6748/ciberroman.
De tot biais, la partida es plan lançada e vos convidi:
A legir çò qu’estoc dejà escriut se l’atz pas encara hèit. Poderatz jutjar deu nivèu literari deus contributors qu’es dejà en se medish una bona suspresa.
A’n parlar a l’entorn per levar l’interès de contributors eventuaus.
De seguir …
Purmèr, èi lèu comprés qu’èram davant un dangèr: quan dus contributors mandan duas seguidas diferentas que’s plaçarén au medish endret. Aquò a mancat d’arribar, mes per astre la contribucion de Bruno Sapene es una mena de bocla e la seguenta, de Laurenç Revèst, se podoc ajustar sense problèmas. Ne profiti per mercejar aquestes dus contributors, solide.
Doncas caleré resòlver aqueste problèma. La question estoc pausada a l’encòp per Pierre Lachaud e Cirdec Yagreb. La solucion mès simpla, es de s’inscríver per que tot sia coordonat. Sufís pas que de’m contactar capvath lo ligam deu Jornalet e atau auratz un numèro d’òrdi que’vs permeterà d’ajustar vòstra contribucion coma cau.
Benlèu vos serà atribuït un periòde de temps (2 o 3 setmanas) per que lo temps de soscadissa sia pas tròp long e qu’aquò bloquege pas lo procèssus.
Cirdec pausèc tanben la question de l’ortografia emplegada. Solide que vam pas pausar de limits sus la varianta de l’occitan emplegada que cadun escriverà coma volerà. Benlèu se passam a una finalizacion drin definitiva, poderam demandar a un especialista de balhar son sicut sus l’omogeneïtat de cada tròç, en tot saber que’n mestior de lenga occitana, cada locutor es un especialista …
Guilhèm Thomas hascoc una remèrca de las bonas: se demandèc se un format coma “tumblr” o “Word Press” seré pas mès apropriat per poder legir mílhor. Non, non, Guilhèm, ès pas un “emmerdaire” e ton idèa es bona. Vertat que legir las colomnas de Face Book que son meslèu redusidas en largor es pas lo mès practic. De mès, totis an pas un compte FB e an pas enveja de n’aver. Es per aquò que lo ciberroman se poderà tot naturalament legir suu Jornalet a la pagina: http://www.jornalet.com/pagina/6748/ciberroman.
De tot biais, la partida es plan lançada e vos convidi:
A legir çò qu’estoc dejà escriut se l’atz pas encara hèit. Poderatz jutjar deu nivèu literari deus contributors qu’es dejà en se medish una bona suspresa.
A’n parlar a l’entorn per levar l’interès de contributors eventuaus.
De seguir …